2017年2月12日 星期日

有型方便~Sudio Regent 無線藍芽耳機


這個黑色 Sudio Regent 無線藍芽耳機外觀時尚有型,用在我這位全職媽媽身上總覺有點格格不入,用在從事設計的老公身上順眼很多,所以,這篇文就交給他負責喇~


瑞典,一個位於北歐的國家,除了令人聯想斯堪的納維亞文化風及一系列知名品牌如宜家(IEKA)SAAB (紳寶汽車)等之外,一直祟尚簡潔的瑞典設計風格更令許多愛好設計人士趨之若鶩。以下來自瑞典的耳機品牌 SUDIO 就正體現這份北歐的時尚風格。

SUDIO 耳機系列,除了結合時尚外型及尖端科技外,更秉承傳統工匠精神,堅持人手工藝代替一系列機械生產程序每次產量只維持80500對;就是這一份執著,每對 SUDIO 耳機都能達至水平 


開箱 :

包裝外盒堅固結實,外觀設計風格美觀封面簡單直接地印上 Sudio Regent 耳機,令人不用猜想究竟裝著什麼產品。抽屜式內格只要拉出就會看到一部 Sudio Regent 耳機及配件等,穩妥地安放在盒內(USB充電線及3.5mm耳機各一條,保養卡及使用說明書)

 


外型 :
Sudio Regent 外觀除了有著簡約時尚工業設計,表面用上各種不同物料帶出流暢亮麗的獨特質感




另外,
Sudio Regent 之處就是耳機左右兩則外蓋可以隨時裝拆更換,就算我們夫婦二人共用一部 Sudio Regent 耳機都可以各自個人風格。
 

佩戴感覺 :

作為一部無線貼耳式耳機,最重要的其中部份就是要佩戴舒適,Sudio Regent 除了帶給我極度舒適貼耳感覺之外,耳機重量還比想像中輕巧,而且頭頂、左右耳兩側的海綿部份都非常柔軟舒適就算經過長時間佩戴都沒有侷促悶熱感覺

 

操作簡易 :

Sudio Regent 的操作極為簡易,只需與配備藍牙的音響設備/手機配對一次,之後只要每次開機就可直接使用。Sudio Regent 電量亦十分持久,只要充電一次已可操作超過24小時。

 

音質 :

作為耳機,當然最重要講求音色,Sudio Regent天籟之音作為主打重點,不論聽音樂抑或煲戲、打機,Sudio Regent 聲效與清晰度之間的平衡拿捏得恰到好處音質自然細膩,層次感豐富,絕對稱得上靚聲王之稱譽。

 

結論 :

Sudio Regent 具備各式各樣優點,而且還可以接聽電話,絕對是眾有品味而又有要求的人士必然之選。




其實我家小頑皮和 Sudio Regent 都很襯丫,好像比爸爸帶得更有型呢(≧∇≦)


  • 現凡於Sudio官網(香港站)購買任何產品,將會獲贈大理石紋手機殼(是春夏限量贈品呀),另外,只要輸入專屬我既優惠代碼「hkangeleung」,更可享有85折優惠。

有興趣就快啲click入以下Sudio既各個社交平台睇睇喇:

Instagram: /SudioSweden   #sudiomoments    
Facebook: /SudioSweden   @SudioSweden
** 全港免運費,一年保養,網上購買更享免稅優惠

2017年2月6日 星期一

遞遞手..NU SKIN 肌膚管理智能儀器 「ageLOC Me 新智我」

未生小朋友之前,我已經覺得每次洗完臉要搽起碼四五樣護膚品上面有啲煩,但為左靚點都要堅持;到生左小朋友後,真係無辦法喇,全職媽媽既我,真係好難再好似以前咁,慢慢逐樣等滲透再搽,好多時搽左爽膚已即刻去湊仔,之後既所有步驟可能都忘記再做,唯獨每次出街,都記得搽防曬,我已經覺得自己好叻~


早前收到一份好方便既大禮~NU SKIN 肌膚管理智能儀器 「ageLOC Me 新智我」,只要洗面後遞一遞手,智能護膚機就會唧出你所需既護膚品,兩下就完成護膚程序喇(≧∇≦)


NU SKIN 肌膚管理智能儀器 「ageLOC Me 新智我」可安裝由美國製造的五款護膚品,包括有防曬成份既日霜、晚霜、和三款可以減淡細紋、針對色斑及肌膚彈性的精華素;


安裝和設定方法簡易,可設定為自動或手動模式,因我家有小孩,為免他貪得意遞手,我設定為手動會較安全。



每次洗面後,遞一遞手到機底,就可以拎到你每次所需既護膚品,分別係三款精華素既混合物、有防曬成份既日霜/晚霜,咁就唔使每次都搽五、六、七樣野咁煩啦。


每次使用 ageLOC Me 後,佢都會細心顯示各款產品既使用餘下次數,提醒你幾時要入貨,仲會跟據你前一晚既使用時間,到差不多時間 ageLOC Me 機底就會閃,提醒你護膚添。一開始使用 ageLOC Me 智能護膚機既第一個月,護膚品方面係配合基礎組合,


大概用兩星期後,就可以透過佢地既app,回答入面有關你當時皮膚狀況既問題,

然後 NU SKIN 會因應你既答案調配出最適合你既護膚組合。(佢地已經有超過2000種既護膚配方組合)護膚品都可以好似度身訂做咁,真係威(≧∇≦)



近呢幾個月,我既皮膚狀況都唔係幾好,兩邊額角部分不知何解都乾到痛,除左用自己用開既護膚品可以無事,用任何新野都出事,攪到我完全做唔到用後報告,始終係自己皮膚出事,如話人地產品唔好就好似有啲唔公平,真係攪到我又痛又煩惱;但今次又好好彩,用隨 ageLOC Me 附帶既基礎護膚組合,兩邊額角又無再出現乾到又紅又痛既情況,似乎同我幾夾喎。係我立場,我會開放自己去接受各類型品牌既護膚品,岩自己既就係好產品,唔會理佢係咩類型既品牌,唔好未試過就用有色眼鏡去抗拒,用呢種態度,我覺得咁先可以為自己選擇最適合既。

**產品及資料均由品牌提供
每人膚質、喜好不同,以上只屬本人之個人感受;
如對產品感興趣,可到以下網址作進一步暸解:
https://www.nuskin.com/zh_HK/products/nu_skin/ageLOC_Me_HK.html


2016年11月8日 星期二

比屎公公蝦>~<

牽牽前兩日屙屎屙得好唔舒服,成日都有急既感覺,但就屙得少少,陰公豬屙到佢自己都識話petpet痛,最慘係攪到佢無覺好訓,凌晨三點都突然有屎意要起身,個晚屋企無凡士林,決定用bb油頂住先,幫佢搽落petpet窿附近,等佢無咁乾,唔使屙到咁痛同埋順滑啲,希望啲屎可以易啲出到黎啦。其實作為媽咪既我,都唔識點幫阿仔搽,我都有啲驚唔知點攪好,不過見到牽牽咁辛苦,點都唔可以唔理唔幫佢,唯有大膽試試啦,好彩牽牽都好乖,我知我幫佢搽時佢都有叫過petpet痛,但佢真係好乖,無縮,知佢係忍緊痛,真係好叻仔。然後陸續都一個鐘又急又屙啲,終於日頭屙到粗大啲既,之後就無再叫痛喇,希望以後都唔會再比屎公公蝦啦。

2016年10月28日 星期五

風癱又來了


上年差唔多時候又係咁,可能牽牽有轉季敏感既問題( ̄∇ ̄)一轉涼就出風癱,好彩我見佢好似唔痕,但佢見到自己手仔一點點可能覺得唔好睇,都有成日摸,我唯有同佢講唔好摸,無事既,好快散架喇,當然一陣佢又唔記得又摸啦^_^>~<希望快啲可以好返啦。
同上次一樣,到夜晚又會勁啲,一激動喊又會勁啲>~<

2016年10月27日 星期四

陰影

上星期牽牽扭計爆喊,所以無過嫲嫲到食飯,我覺得係因為佢仲記住上次俾人鬧,又可能係仲記住姑丈會係到(佢一時時,有時好鍾意同如丈玩,但有時又驚到喊>~<)
今晚我地又過嫲嫲到喇,事前我特登唔提,夜晚落街時我都只係話落街食飯,一切都相安無事,點知爸b一話我地過嫲嫲到,牽牽就即刻邊行邊扁咀,拍住心口仔話驚驚,我邊行邊同佢講其他野分佢心,叫做安撫左佢。到商場都仲無事,一到搭lift上大堂佢又開始拍心口話驚驚,要搵我抱,我同佢講「唔使驚,媽咪係到陪住,無事呀,唔使驚」然黎住程都要我拖同抱,當然佢越行就越驚,邊行邊叫驚驚同埋開始喊,唯有慢慢氹啦,出lift當然開始喊啦,入屋都仲係咁,避開嫲嫲目光走左去梳化,我陪住佢,安撫下佢,氹下佢,開頭都唔肯去食飯個邊,氹左一輪終於乖乖去食飯飲湯,今晚食得好乖,好晒所有野,仲食左好多餸,飲左兩碗湯,總算無再扭,希望佢快啲忘記過去,唔好再驚啦,唔係都唔知點好喇。
今晚得嫲嫲同表哥,唔太多人,總算易攪啲,下次姑媽姑丈係到,唔知又會點?希望無事啦。
小朋友真係好好記性,真係唔好隨便爆鬧佢,佢真係會驚會有陰影架。

2016年10月17日 星期一

「0鈉」意粉媽咪放心煮..Delverde多維尼意大利粉

我非常鍾意煮野食,好有興趣樣樣都學煮,但自從牽牽出世,開始全職媽咪生活之後,好多時都有心無力,環境唔容許我好自由咁研究,但又好矛盾,我其實每日都要煮比仔仔食,但因為時刻都要湊住佢,牽牽而家只得22個月大,每刻都要睇住,睇少眼都會有危險,根本唔容許我慢慢煮,我可以做既就係,要煮得快、煮得好食、有營養得黎又要方便,意粉會係我經常既選擇,最重要係牽牽鍾意食粉多過食飯好多(≧∇≦)


Delverde多維尼意大利粉新包裝「水滴形」設計,突顥其以無污清泉水製造的決心。品牌始於1967年,惟一廠房於意大利國家公園內River Verde河畔。 
- 100%意大利製造
- 採用意大利國家公園零污染天然泉水 (全球唯一廠房設於國家公園內)
- 銅質意粉器製造,使意粉表面充滿微細抓痕,把醬汁吸得一滴不留
- 甘甜清澈的泉水與優質杜蘭小麥的完美結合
低溫慢速烘乾,保留了小麥的營養及口感,為您帶來Al dente般煙韌口感


我用「浪型速煮千層麵 (Lasagne wave)」整左肉醬千層麵



今次我用Le Creuset焗盤焗,首先要將焗盤浸半個鐘頭水,咁就唔怕一陣入焗爐高溫而焗烈個焗盤啦。




傳統既千層麵係要搽埋「白醬」,咁首先預備左「白醬」先啦,我特登煮多啲,因「白醬」可放入冰箱留返下次煮意粉、焗飯用。「白醬」好好用架,有左呢個底醬,之後煮野時加少少其他材料就可以變化到好多其他菜式,總之呢個西式底醬學左就無蝕底啦(≧∇≦)
牛油 50克、低筋麵粉 50克、鮮奶 500毫升
開細火溶牛油,倒晒麵粉(唔使過篩)落去熄火,用手動發蛋器不停攪,令兩者完全混合埋一齊,然後開細火倒鮮奶落去繼續不停攪,落少少鹽、黑椒作調味,直至感覺稠身就完成喇。(一定要不停攪同專心煮,因好易燶底架,好快就煮好架喇)
整好「白醬」就輪到煮「肉醬部分」
洋蔥,甘筍 各1、蒜蓉 適量、免治牛肉 300克、罐裝蕃茄 1罐、千層麵 6-7塊、碎芝士 1包、牛肉湯 300毫升、茄膏 1湯匙、鹽、糖 、香草適量



免治牛肉用啲碎黑椒醃最少十五分鐘、將洋蔥、甘筍、蒜蓉切碎、炒香再落免治牛肉繼續炒,(唔好炒太耐,因之後會繼續煮,怕牛肉煮太耐會'鞋'同'實')


牛肉變色就倒整罐蕃茄落去,


然後落茄膏、牛肉湯,落鹽、糖調味,目測佢地已融為一體就再落香草,有時間就細火炆40-50分鐘,咁就入晒味,啲汁會收得稠啲,我無時間,所以只細火炆20分鐘就開始層層疊。



煮好晒肉醬,就200度預熱焗爐10-15分鐘;然後處理千層麵,佢係市場上唯一無需預先水煮及*有波浪形既千層麵,所以我只係煲熱左啲水,浸落去一分鐘左右就拎返上黎攤,一包真係幾抵食,我整左一盤大一盤細都只係用左六七塊左右,仲剩半包可以留返下次煮。
*波浪形設計原來係方便每層麵中間可以hold住更多意粉醬架。 



放一片千層麵,落「肉醬」、芝士、白醬」,然後重覆以上次序再落,直至到焗盤邊,當然最面個層一定要係芝士啦,記得啲肉醬一定要覆蓋晒千層麵,否則外露千層麵就會焗到好乾架喇。


180度焗20-25分鐘,咁就食得喇。
我鍾意呢隻千層麵質地無咁單薄,咬感好好,唔會太淋身,處理亦好方便,熱水浸一陣就用得。



我用「4號 有機意粉」做白汁粟米蘑菇腸意粉
之前特登煮多啲「白醬」,咁我地只要係雪櫃拎返出黎解凍就可以有底醬煮啦;材料部份主要針對牽牽鍾意食咩就用咩,仔仔大過天嘛,而且打風落雨無得落街,雪櫃有咩就煮咩啦。
蒜蓉,粟米,蘑菇,煙肉,台灣腸 全部適量、意粉 半包、芝士 2片、鹽 適量



落鹽煲滾水落意粉煮10分鐘左右,盛起備用,倒少少油落去撈一撈意粉,等佢唔好痴埋一堆,留返一啲之前煮意粉既水備用;


凍鑊落煙肉、台灣腸炒香後盛起(唔使落油,因煙肉同台灣腸本身有油,開鑊遇熱後就釋出油份啦),原鑊再炒蒜蓉、蘑菇、粟米,煙肉、台灣腸回鑊,


倒白醬一齊煮,如太稠可逐少加之前留起既煮意粉水落去,然後加2片芝士繼續煮,芝士溶後可試味,落鹽調味,落意粉一邊撈,3分鐘後熄火,如未撈勻就熄火繼續撈,攪掂就上碟食得喇。



意粉同千層麵一樣都係質地有咬感唔會好淋,我同屋企人都好鍾意,意粉同醬汁都非常融合,唔會出現粉還粉,醬還醬情況。



特別值得一提,多款Delverde既意大利粉都係0鈉架,有小朋友既我當然煮得放心,即刻介紹其他bb媽咪買啦。



為食貓牽牽未等上檯就要試味先喇(≧∇≦)
產品與資料由品牌提供
如對產品有興趣可到以下網址作進一步暸解:

2016年9月25日 星期日

啖啖不得了(≧∇≦)四季文昌




呢到個環境真係贏晒,希望可以keep到一直咁靚就完美喇,呢到又大樓底又高,裝修又靚,連所有裝飾品都好有內涵,老公話啲擺設都唔平,唔係求求其扮野架,呢到咁大岩晒我仔無耐性時同佢周圍行參觀,牽牽仲特別鍾意個電話亭,企入去開心到呢~其實除左環境靚,呢到啲食物都「不得了」,就講打邊爐部份,真係湯底好,就食乜都好味。





用椰子水做湯底真係好味到一個點,你係絕對會有想成個湯底啲湯都飲晒既衝動架;


我地叫左原味椰子雞鍋(半隻)一入口只能說句「你想點呀?真係好味到唔知佢想點」雞肉肥瘦適中,肉質嫩滑,略嫌隻雞比較細隻,如果大隻啲一定仲滿足。


每檯檯面都有個漏斗,一落雞侍應就會反轉漏斗幫你計時,漏晒啲沙岩岩好七分鐘,呢個時間就係店主覺得啲雞最好食既程度喇。


店員推介要將桔仔既汁唧落豉油再蘸雞,會帶出雞既鮮味,同單單用椰子水煮熟雞肉比較,又有另一返風味。


一開始我地仲叫左個小食 蜜汁糖蓮藕 ,我覺得唔好食,一來蓮藕粉既,我最怕,二來佢完全唔入味,同啲蜜汁完全唔夾,汁還汁,蓮藕還蓮藕,我同老公都覺得no。

日本產地直送野菜藍 入面最出色係個兩片切得薄薄既紫薯,又甜又香又好味,另外一梳梳既「菇」都好味,其他蔬菜就無乜特別。



佐賀A5牛肉眼 同 安格斯肥牛 肥瘦適宜,油脂分布平均,入口夠淋,肉香不膩,真係多多都食得落。



黑松露龍蝦煲仔飯 又係另一「不得了」之作,佢賣238,大大煲上檯,一揭開見到係原隻龍蝦份量,下面係芋頭煲仔飯,加埋黑松露既獨特誘人香味,真係令人好難抗拒,明知食得多會肥都忍唔住食左兩碗,連歲半既牽牽都唔執輸,食完又再添。龍蝦份量確實多到有啲出奇,老公海鮮怪真係滿足到一個點,龍蝦肉鮮且彈牙又厚肉,呢個價錢絕對超值。



飲品方面亦相當出色,而且一啲都唔貴,我地點左椰子沙冰 同 菠蘿沙冰 ,兩杯都香甜解渴,飲得出係用真生果處理,真材實料,係真.好味(≧∇≦)32蚊杯真心正。



最後再叫左甜品 椰皇布甸 ,又係個句「不得了」入口清甜爽口,啖淡都有椰皇肉我覺得佢質感似jelly與大菜糕之間,一啲都唔似平時軟軟,一入口就吞到既布甸質地(唔明點解叫布甸)。

食物實係大部份都無得彈架喇,不過有一點希望會留意下就係無bb櫈提供,當日我地坐一邊卡位,一邊櫈位,坦白,對於有小朋友既家長真係唔太方便,全程一定要有個大人夾實個小朋友,即兩個大人去就一定只可以一個打邊爐,因另一個要攬實個小朋友,好似牽牽咁,無bb櫈困住坐,坐唔定佢就成日扭要周圍行周圍玩,又想沿梳化行過人地張檯;畢竟呢到都有大檯可以供應比一大班朋友黎,有時都會帶小朋友黎嘛,如果有bb櫈真係會好好多。


四季文昌
地址 : 旺角荔枝角道33號百匯軒地下及1樓全層
電話 : 2499 2700
Related Posts Plugin for WordPress, Blogger...