2017年7月9日 星期日

溫和保濕日日用~Dr. Douxi 賦活新生卵殼系列


  • 最近去完台灣旅行,緊係要用下台灣產品啦,台灣品牌 Dr. Douxi 賦活新生卵殼系列 既其中兩件產品~



    Dr.Douxi 蛋黃修護卵殼皂 100g



    • 我本身每轉天氣,皮膚都會有丁點敏感狀況,加上而家全職湊仔,晚晚夜訓,皮膚比以前更加脆弱易敏感,一向都覺得用皂潔面會好乾淨、但同時會好乾,所以都好少用,難得Dr.Douxi呢隻蛋黃修護卵殼皂聲稱係敏弱肌首選,一於試試。


    • 只要將皂加水放係掌心搓柔出泡泡,就可以用啲泡泡洗面喇


    • 用後感覺清爽乾淨不繃緊,之後做返平時既護膚程序就可訓覺喇


      連續用左兩晚,本身敏感既紅點點都退左啲喇。


    Dr.Douxi 賦活新生卵殼膜 100g



  • 呢隻面膜我覺得類似sleeping mask,不過我好怕訓著左會整到枕頭都有,所以我唔鍾意敷過夜,搽出黎透透地明,感覺係溫和水潤個隻


  • 睇介紹話敷到可撕落黎情況就得,但我敷左20分鐘都撕唔到,只係「搓」到(≧∇≦)可能我搽得唔夠厚關係啦


  • 所以我決定用溫水清洗,敷後感覺保濕水潤,皮膚好似無咁攰咁,我覺得可以晚晚沖涼敷,連續敷想皮膚唔變彈滑都幾難(≧∇≦)
  • 全職媽媽莫講話扮靚,連基本護膚都未必夠時間做,敷mask簡直係奢侈,呢隻mask可以比我把握沖涼時去敷,方便至極~


**產品及資料均由品牌提供

每人膚質、喜好不同,以上只屬本人之個人感受;

如對產品感興趣,可到以下網址作進一步暸解:

2017年7月7日 星期五

戒片第四日

牽牽要求著學習褲,唔想著短褲,可能始終學習褲會有安全感啲啦,短褲始終鬆啲,空洞好多,我好尊重佢既意願,咁就唔再著短褲仔啦^^
琴日大部分時間都係我提佢,我拖佢去廁所,夜晚飲左杯維他奶份量既綠豆水,到尾臨訓前瀨濕左一條褲。
今日去到下晝四點幾,飲左奶另再飲左維他奶份量既綠豆水,今日大部份都係自己話去廁所,但瀨濕左兩條褲🤔


夜晚我地終於落左去7-11買奶奶,見球場無人就比牽牽入去跑下啦,幾日無落街喇,當然一跑就好開心啦,不過一玩就預左忘形啦,落左去半個鐘,條褲仔係有濕架。


全日加埋濕左三條褲仔,但就好多次係自己主動話要去廁所,聽日再加油啦💪🏻

2017年7月5日 星期三

第三日戒片..進步了

今日牽牽好叻,只係臨尾香😂
全日都無濕褲仔,係夜晚我煲左綠豆水比佢飲左一盒維他奶既份量,就失手左,瀨濕左條褲仔,總算有啲安慰,進步左,我好開心呀,希望繼續進步啦。


因為戒片,想集中啲唔好攪亂佢,所以我地呢幾日連街都無落過,總要搵啲得意野做下,所以比牽牽試下洗米,佢當然覺得好好玩啦(≧∇≦)

可能因為爸爸睇啲怪獸野時比牽牽睇到啦,今日成日都話驚驚,叫我地熄電視,唔好開,係喊住叫個隻,我又無乜所謂,我都無時間睇,不過爺爺同爸爸就會悶啲囉,所以今晚爸爸同佢睇左兩本故事書(≧∇≦)

2017年7月4日 星期二

第二日戒片

戒片呢件事真係令人好崩潰🤦🏻♀️明明話左冷靜啲,唔好鬧,比啲時間佢,但,個篤未抺完,同佢入廁所邊抺邊傾計,再問好多次都仲係話無得屙,陪佢埋廁所仔都係屙唔出,出黎我抺返個墊時,佢又瀨另一篤,我真係控制唔到,又發癲😑
佢又答你知,但轉頭又黎😣問佢又話無,但跟住又屙😭
我都明,突然要佢去改佢習慣左兩年幾既習慣一定要比時間,我真係有叫自己冷靜,但😭真係會忍唔住癲
佢拎左我手抺緊地塊布,自己抺,然後同我講「抺左喇,乾淨喇,我而家入廁所喇」媽咪個頭唔好出煙喇😭
我之前同佢講過,夠三歲就可以帶佢去做消防員,頭先冷靜左後,同佢食飯,佢邊食邊摸我個頭話「我遲啲做消防員,可以幫媽咪個頭救火,無煙煙喇」真係又好嬲又好笑😭又好慚愧頭先咁惡鬧佢😔冷靜過後,佢好似識安慰返我咁,我又好唔好意思🙈
真係好難平衡😔我都想我冷靜啲,唔好癲

2017年7月3日 星期一

正式戒片第一天


牽牽其實開始左係「E神哥哥」到屙尿一段時間架喇,不過之前只係沖涼前會去「E神哥哥」到,其他時間都會用片。


去完旅行,今日正式同佢唔著片係屋企進行戒片行動。😑問佢又話未有得屙,轉頭埋去就咁🤦🏻♀️。
玩具劍又濕,lego又濕,塊墊個底都濕埋😖陪佢去幾次都唔覺得有咁大篤,瀨呢篤偏偏咁多😭
最慘係佢瀨左,我抺佢又係到攪攪震,然後又扭眼訓,喊喊喊😖。
真係攪到我都冷靜唔到😭
佢見到我好多野要做,我再問佢「下次急尿要去邊呀?如果再掛住玩賴尿咁會點呀?」佢答得好好架,又睇下幾時又再失憶🤦🏻♀️
。佢又好野,唔知點解可以瀨左尿而條褲又唔係好濕😂可能個褲「浪」大😂
佢唔夾埋扭眼訓就好好地,夾埋扭眼訓就真係😑火都黎埋。
喊到成面鼻涕,又用手抺,然後我話幫佢抺手抺面,佢就係咁係到大叫大喊話要拎住克雷😑成手鼻涕點拎唧?就又係到狂喊🤦🏻♀️
我同佢講「你一陣要用把有尿味既劍打打打架喇」佢即刻話「唔好」,「咁你又整濕佢」「下次唔敢喇」。


今晚唔知點解係完全失敗🤔明明同佢屙左,又等多陣真係無先出黎,但過一陣佢又屙,今晚濕左四條褲🤦🏻♀️晏晝都係濕一條之嘛🙈佢好似特登係出面屙咁
真係要拎定啲舊衫出黎先得,布都乾唔切🤦🏻♀️
仲要係正我隔離屙,成晚好似幫我洗腳咁🙊
總會戒到,只係時間問題囉😑
唉,夜晚冷靜後又覺得自己今日惡左啲,對唔住呀牽牽,都明白要你突然將兩年幾既習慣戒左去,唔適應係好正常,點知媽咪仲鬧你,我知道需要比時間你,我聽日會冷靜啲架喇,你唔好怪媽咪啦,突然要你同相處左兩年幾既朋友仔分開,又真係無理由一下就做到既,媽咪知錯喇~
尿片原來真係好方便😝




2017年5月7日 星期日

第一次去飲

胡生嫁女喇,
胡太fit到爆炸,佢啲長衫款又靚著得又靚,果然係靚太。

牽牽今晚第一次去飲,佢應該覺得有啲新奇但又有啲悶,佢有話姐姐啲衫同媽咪之前個啲好似,因我比過結婚當晚既相佢睇嘛,牽牽仲好俾面話覺得媽咪粉紅色個條裙最靚添XD
原本都有諗過不如著靚啲?不如唔好用背囊,但計計下都係好多野要帶,而且有時牽牽嗲嗲豬要抱,始終背囊會最方面,咁就著返便服算啦,方便嘛,幫牽牽扮靚算喇,係淘寶搵到套我覺得好可愛又有型既夏天西裝仔,牽牽身型唔肥著乜都唔會難睇啦,媽咪當然覺得自己個仔著得好型啦,今晚都好多人讚佢呀,我眼光都唔錯丫XD
臨訓牽牽仲話「媽咪,聽日我想再著'波士bb'套衫(佢話波士bb著西裝嘛)」我話「點解想再著既?你想著去邊呀?」佢話「因為覺得好靚,不如再去飲。」我話「聽日無人請我地飲喎XD不過你想著既話,都可以再著既」小朋友就係咁可愛直接,我真係好鍾意每刻都可以同牽牽一齊,感覺好得意好幸福(雖然有時好攰,但我真係好感恩我可以成日同牽牽一齊)
自從兩年前新年見過華力班同事後,今晚係咁耐以黎第一次見,大家一齊做左咁多年野,而家各散東西,難得聚埋一齊,原來係會有啲感概同唔捨得,仲有啲懷念以前一齊做野既日子添。
今晚牽牽算乖,無乜得點玩,成晚都幾合作又無扭計,係有少少怕醜,不過都好有禮貌,同今朝睇醫生一樣,我已經好心足,做媽咪既,聽到人地讚自小朋友乖,唔多唔少都會好安慰,雖然牽牽有時都頑皮。

2017年4月6日 星期四

油、水我都要..全新 Vichy 溫泉礦物保濕修護微精華液

春天想皮膚好,實在唔易,一見塊面無端端泛紅敏感,就知潮濕天氣又黎喇,係啲咁既天氣之下,洗面後,搽左爽膚同精華後,真係唔多願再搽有滋潤成份既面霜,但唔搽又會旱(唔係乾咁簡單),真係好鬼煩,需知單靠補水係唔能夠滿足中女皮膚呢~




全新 Vichy 溫泉礦物保濕修護微精華液




運用創新科技,突破性「水+油」配方,修復屏障同時潤澤保濕。



我會於潔面後即時塗上(記得每次用之前要搖勻),我唔鍾意倒落化妝棉塗抺,習慣用帶有體溫既掌心輕輕按壓,好似咁樣會直接啲去感受皮膚,我覺得有助精華液滲透,質地爽身帶點潤,係潮濕既春天用的確唔錯,比到皮膚濕潤感而又唔會'笠痴痴',由於用後感覺舒服,令我每次都'豪用',不自覺拍多幾次上面(Vichy其一賣點係價錢實惠,就算用多少少都唔怕肉痛啦。



Vichy 溫泉礦物活水循環保濕精華
呢支精華我已經用完好幾支,一到春天好自然就會用佢,水潤得黎又夠爽,舒緩泛紅同時保濕,自然春天靠晒佢,塗後好多時我已經會去陪仔玩一陣先,如果潮濕天氣唔出街既話,我多數會臨訓先再塗面霜。



Vichy 溫泉礦物活水循環清爽保濕啫喱
潮濕天氣,我既護膚方向一定係保濕同舒敏,呢隻保濕啫喱既有以上效果,而且水潤唔'',臨訓塗上,第二朝都唔覺繃緊,皮膚keep到有光澤。




潮濕天氣塊面爆瘡、泛紅敏感問題,用左以上Vichy同系列幾件產品,三幾日就解決到,春天我當然會繼續用啦。
美容機而家咁普遍,相信每個女人都總有一部,我當然都唔例外,想靚從來都不能懶,最好就緊係每晚都可以用導入機配適合自己既護膚產品去做啦,無奈做左全職媽咪後,真係分秒必爭,不得不承認,我部導入機都入左冷宮好一段時間喇,好在而家啲護膚品越出越方便,配合自己習慣既護膚手勢都可以有明顯效果,令我未致於變「黃面婆」。

想知多啲健康扮靚貼士,記得去以下網址瀏覽喇:


**產品及資料均由品牌提供

每人膚質、喜好不同,以上只屬本人之個人感受;
如對產品感興趣,可到以下網址作進一步暸解:


2017年3月13日 星期一

老少咸宜健康選擇~Naturel 有機龍舌蘭糖漿


我家牽牽(2歲3個月大)對於有甜甜地既食物係特別有興趣,除甜品外,連餸菜都係,只要有甜甜地既餸,佢就會特別開胃,做媽咪既,見到仔仔開胃就最開心,既然知道佢特別鍾意,當然會朝住呢個方向研究多啲,比得仔仔食,當然以健康同有營養行先;屋企基本上係唔會用白砂糖,因為佢經漂白精製過,完全無營養價值,而且佢係屬於高升糖指數食品,有得揀真係可免則免;煮餸方面,我多數用黃糖同蜜糖,但其實牽牽仲咁細,雖然佢唔係敏感bb,不過最好都唔好成日用蜜糖會好啲,而且蜜糖升糖指數都唔低架,有成90。

最近我接觸到「Naturel 有機龍舌蘭糖漿」,知道佢既糖份比砂糖低,用量少三分二已可得到差唔多甜味,即係話可以用少啲,但都一樣好味,而且佢既升糖指數只係27,屬於對大多數人健康有益既糖(55或以下既升糖指數就算屬於低),連糖尿病患者都適合使用。「Naturel 有機龍舌蘭糖漿」仲被美國農業部(USDA)認證為「有機」產品,USDA認證係要該產品達到95%有機成份先拎到架,足以證明「Naturel 有機龍舌蘭糖漿」幾咁天然純正。


Naturel 有機龍舌蘭糖漿」,不含任何化學物質殺蟲劑,無基因改造,成份是100% 龍舌蘭,屬純素及無麩質食品。而且不含致敏原,於墨西哥已經通過嚴格檢測,證實不含任何乳製品、蛋、大豆類、堅果、花生、魚類、甲殼類或亞硫酸鹽成份,是關注健康人士信心之選。


我試過用「Naturel 有機龍舌蘭糖漿」代替蜜糖mix熱情果做飲品,當然要加埋水去開稀啦,酸酸甜甜都唔錯,味道比用蜜糖清啲,甜味差唔多,但升糖指數就低好多,咁就比埋我八十多歲既老爺飲都唔怕唔健康啦~呢款飲品利便秘架(≧∇≦)

我好鍾意整甜品,其實最想用「Naturel 有機龍舌蘭糖漿」去試下整蛋糕,因為整蛋糕、甜品要用既糖都唔少,想試下用「Naturel 有機龍舌蘭糖漿」去代替糖既用量,出黎既效果會係點?但整蛋糕、甜品實在係要比較有閒情逸致既時候先可以專心做到,而家日日湊仔真係仲未抽到時間整,唯有用黎煮餸先啦,我決定整「蜜汁叉燒」(煮餸係每日必須,感覺實際啲嘛~)


蜜汁叉燒


材料:
梅頭豬肉   1件
(最少都揀半肥瘦啦,太瘦整完會好痴牙,唔好食架(我覺得>~<)其實我想揀舊肥啲架,但買唔到)

醃料:
叉燒醬   湯匙
老抽   湯匙
生抽   半湯匙
花雕酒   1 湯匙
龍舌蘭糖漿   1.5 湯匙



梅頭豬肉洗淨,用廚紙印乾水





將所有醃料撈勻,將豬肉和已撈勻既醃料倒晒入保鮮袋,封好後,隔住保鮮袋幫豬肉按摩,然後放入雪櫃醃最少四個鐘(醃過夜更好)



焗爐200度預熱15分鐘,已醃梅頭豬肉放焗盤



用錫紙包好焗盤, 200度焗 20分鐘



(記住有啲焗盤入焗爐前要先浸水半個鐘,如果無浸,焗爐高溫下好大機會焗裂個盤,到時就又無野食仲要執餐死)



撕開錫紙,轉100度再焗10分鐘



過5分鐘就開爐門小心地再掃醃汁,反轉叉燒焗10分鐘,然後5分鐘後又掃一掃醃汁


最後均勻掃上「Naturel 有機龍舌蘭糖漿」



再焗3分鐘



出爐後等10分鐘,等啲汁滲晒入去,就可切件



當然最後要將啲叉燒汁倒埋上去啦。(睇刀功就知係自家制( ̄∇ ̄))

當晚老爺、老公都食左兩碗飯,成碟叉燒連汁都清晒,煮飯個個最開心就係見到咁啦。


牽牽既迷你叉燒飯,佢都成碗飯食晒(≧∇≦),仲有食埋其他餸,咁好胃口,媽咪當然最開心^o^

屋企有老(老爺)有嫩(牽牽),食材健康真係最緊要,不過要記住,再健康既食材都唔可以無節制咁用呀。

銷售地點:O’FARM、WATSONSMALL、源生坊

#健康 #有機 #龍舌蘭 #天然植物 #低GI #素食 #母嬰#墨西哥 #糖

#Naturel健康由糖起 #有機龍舌蘭糖漿 #家庭樂 #糖漿 #低糖 #USDA

**產品及資料均由品牌提供

每人喜好不同,以上只屬本人之個人感受。

2017年3月2日 星期四

媽咪放心使用...bareMinerals礦物抗氧防曬底霜 & 透亮礦物粉底



Makeup so pure you can sleep in it
自當全職媽咪後,生活習慣真係改變不少,例如:每日我做得最多既動作,一定係攬、抱、哄我個仔()所以我同牽牽既面部肌膚係經常性接觸,為左唔會影響到牽牽既幼嫩皮膚,我一定要揀啲即使小朋友接觸到都唔傷佢皮膚既產品,我先放心用;



而家仲要成日係陽光普照下到戶外玩,以前我極少做這動作,但為左訓牽牽大肌肉,令佢腳仔靈活啲,同埋幫佢放電,當然要每日都去流下汗,而媽咪就緊係要做足防曬措施啦。



bareMinerals  礦物抗氧防曬底霜SPF50 PA+++,質地透薄輕盈,防曬度夠高,岩晒我呢啲成日要同仔仔踢波、去公園跑既全職媽咪,



薄搽一層就已經可以防曬、抗氧化、保濕同均勻膚色,爽呀~而且物理性防曬,唔使特別用卸妝液卸妝,簡單用洗面產品洗就得喇。我真係超愛呢支防曬,因為佢又高防曬度又爽又薄,仲唔使特別卸妝,方便而效用高(

無辦法啦,做全職媽咪真係希望所有野都快、靚、正。如果化妝前用,30秒後再上粉底個妝會仲持久添呀。


bareMinerals透亮礦物粉底SPF15
bareMinerals礦物粉底一向出名是化妝同時護膚,keep住用仲可以有效改善膚質,完全唔使怕成日用會出現「食面色」呢個問題,做左媽咪照顧自己既時間真系少左,可以慳時間又有雙重效能既用品,我當然最buy

由於bareMinerals揉合5種蘊含豐盈滋養既礦物成分,不含任何化學物質,就算我同仔仔玩時「high」到佢塊面,都唔怕傷害仔仔皮膚,而且唔小心訓著而無落妝都唔怕傷皮膚,岩晒我呢啲分秒必爭既全職媽媽


只要扭開粉底,倒出適當份量,用專用化妝掃打圈,再打側輕敲,



然後就可由外而內打圈掃上面,完成後記得用定妝粉定妝呀;呢盒礦物粉底仲用左5種蘊含豐盈滋養既礦物成分,咁就唔怕塊面乾而唔上粉啦,


粉底質感幼細,掃上面後感覺又薄又貼,完全無焗促感,而且成個人睇落精神啲,皮膚都好似滑左咁,面上既瑕疵都無咁顯眼,最重要係好自然,以為係本身自己皮膚好()。


bareMinerals專櫃:
旺角朗豪坊Beauty Avenue 2/F  2466 2128
尖沙咀海運大廈Facesss  2995 3065
銅鑼灣祟光百貨B1 /F  2796 2066
尖沙咀祟光百貨B1 /F  2918 0592

**產品及資料均由品牌提供
每人膚質、喜好不同,以上只屬本人之個人感受;
如對產品感興趣,可到以下網址作進一步暸解:

Related Posts Plugin for WordPress, Blogger...